婚禮

今日星期日，我地一家大細一大清早起身，去咗我個客嘅婚禮，你可能會覺得奇怪，點解同個客咁friend，連人地結婚都會關我事，其實，我今日係以另一個身份出席的。

世界就係咁細，原來今日個新郎哥，既係我個客，亦都係我老婆識咗十幾年嘅舊同學。呢個三角關係，喺兩年前我老婆同呢個舊同學出去食晚飯時發現的。

所以今日我係以新郎哥舊同學個老公出席呢個婚禮啦！

喺呢度祝福佢地相互相守望，白頭偕老。

Fondu

香港有打邊爐、大陸有火鍋、日本有shabu shabu、瑞士有Fondu芝士火鍋...

我地SNSC Lam Tin Kitchen都有Fondu...哈哈~

配料有麵包、西蘭花、新薯、德國豬肉腸、紐西蘭磨菇、澳洲和牛肩切粒。

你肯煮已經很難得了...

有留意我的簡介, 有一個角色係SNSC大廚...
大廚, 真係愧不敢當, 事緣係近年來, 小弟鍾意咗煮野食, 中西意法泰+甜品, 樣樣試下。閒時相約友人到我家作客, 日子久了, 給取笑為"大廚"。
其實, 最大的鼓勵係來自我老婆。
因放工時間比她早, 很多時候都由我來買餸煮飯... 喺幾年前有一晚, 那餐飯餸的味道我覺得煮得不是太好, 問她, '是否很難食...', 她答道, '你肯煮已經很難得了...' 就係呢句說話令我不斷嘗試下廚, 煮好多野比我愛的人食。
時至今日, 間中會有朋友問下我呢樣點整, 嗰樣點煮... 各個紀念日, 他/她生日想煮一餐, 食d乜好...大家研究研究。 目的, 都係為咗大家愛的人。
記住, "是否很難食"已不重要, "你肯煮已經很難得了"。

Schedule

做人做事要有plan, 要有schedule。

幾年前開始, 喺我每週個schedule入面, 逢星期五晚就係夾band嘅時間, 話之佢黑色暴雨, 十號風球, 天打雷劈, 風雨不改!

自從結咗婚, 跟住到亞仔出世, 喺個schedule入面, 大部份時間已預留給我個家庭。

上個禮拜開始, 又多咗一項每週都會做的事, 就係打籃球喇。

每週晚上schedule簡述如下:
星期一 : 空閒 / 同老婆撐枱腳
星期二 : 探亞仔
星期三 : 空閒 / 同老婆撐枱腳
星期四 : 打籃球 with SNSC
星期五 : 夾band with Lastday
星期六 : 湊仔
星期日 : 湊仔

如要約我的話, 自己夾下時間啦!!!

共同渡過

垂下眼睛熄了燈，回望這一段人生，望見當天今天，即使多轉變，你都也一意......

我相信，你們都了解當前的全球經濟危機，你只需要打開報紙或看電視，就聽到一個接一個令人沮喪的消息！沒有人能知道這次的經濟衰退將持續多久，但大多數專家都認為，我們很可能要面臨未來一年或幾年的經濟不景氣。在這個嚴峻的環境，並非所有的公司都能夠生存，也許我們的一些競爭對手，或客戶會面臨生意上的危機。
但是我們會更積極地面對目前的經濟風暴，採取一切必要行動，以確保該公司能夠繼續運作及發展。因此，當務之急，我們要節省開支，減低非必要的花費，所以我們已經決定將年度晚宴的預算減少。我們將結合聖誕派對及年度晚宴，在今年12月12日在海景嘉福酒店舉行聖誕自助午餐。事實上，我要讓大家知道，倘若我們還未支付不能退還的押金，我們很可能會決定取消全部活動。現在讓我們在派對上，一如以往，輕鬆愉快地一同渡過！
我相信，你們明白這個決定背後的原因，你們都可以理解這是一項十分不容易的決定，並期待著您們完全的支持。

......沒什麼可給你，但求.......

手痺->抽筋->幸福?!

我伸直右手手臂比亞仔個頭枕住、左手手臂比佢雙手雙腳攬住，極少運動的我，只須維持呢個動作1分鐘，雙手就會痺，繼而抽筋... 但當睇到佢熟睡個樣，就只剩低幸福的感覺。

朱古力心太軟

今晚飯後, 友人到我家短叙, 既然飯後, 更係要有甜品撐場啦~

SNSC大廚呈獻 : 熱辣辣朱古力心太軟, 配以MOVENPICK雲呢拿雪糕及新鮮士多啤梨+奇異果

有兩位大人物幫我一齊整架!!!

REASON

恭喜發財嘅動作, 意思係多謝...
多謝你地同我玩呢首我鍾意咗好耐嘅歌。

青山黛瑪

無論你是誰，當有一天，你能看透一切，燃點心中那一道良善的光，即使這道光只能維持十秒鍾，即使只有自己知道，當你能把小我放下，去完成另一個大我，你會發現，英雄，就在你裡面。

青山黛瑪 from HOCC Blog

自己的blog

終於"的"起心肝去建立一個自己的blog, 冇乜特別目的, 只係想紀錄一下自己喺唔同時候的心情或想法。