兩面睇

屋企同公司喺同一區，
每日，我都沿住呢條長樓梯行落去，
真係唔洗三首歌嘅時間，就返到公司！
十分方便。

尋日放工，心血來潮，

"不如試下行返屋企咯...."

於是，就沿住呢條長樓梯行上去，

行到一半，發現"賴"咗野！

心跳加速、氣喘、小腿搽咗印度神油 - 硬晒~

但係都要頂硬上，用咗25分鐘先返到屋企，

尋晚瞓到半夜，小腿仲要抽筋！

心想：可惡的樓梯！

究竟，呢條樓梯，係方便，定係可惡呢？